Monday, November 14, 2011

Lasagna con Tre Formaggi

Þetta er ótrúlegur partý pleaser sem að er frábært að bera á borð ef  þú átt von á mörgum í mat.


350 gr nautahakk
350 gr grísahakk
2 gullrætur
1  sellerý stilkur
1 lítill laukur
2 - 3 hvítlauksrif
400gr niðursoðnir tómatar
200gr tómat púrra
1 dl hvítvín eða rauðvín
400ml vatn
1 - 2 msk nautakraftur
1 - 2 msk ferskt meiran eða rósmarín
500 gr kotasæla
250 - 300 gr. lasagna pasta
100gr rifinn parmesan ostur
200gr rifinn ostur td. mozzarella eða cheddar
salt og pipar.

Steikið hakkið á háum hita í góðum potti upp úr góðri olíu í 5 mín. Saxið grænmetið í smátt, bætið við hakkið og steikið í 5 - 10 mín til viðbótar. Hrærið vel í pottinum svo að blandan brenni ekki við. Hellið hvítvíninu saman við og sjóðið í 2  mín. Bætið tómötum og púrru saman við ásamt krafti, vatni og kryddjurtum. Sjóðið á lágum hita í minnst einn og hálfan tíma, því lengur því betra (2 1/2 tími er ráðlagt) Smakkið til með salti og pipar.

Hitið ofn í 200 gráður. Leggið pastað í botninn á eldföstu móti, stráið parmesan osti yfir pastað síðan kotasælu og að lokum kjötsósuna. Endurtakið leikinn 3 - 4 sinnum en passið að hafa kjötsósuna í efst. Toppið með góðum osti og bakið í samkvæmt leiðbeiningum á því lasagna sem þið notið.

Berið fram með tómötum og ferskri basilíku.


No comments:

Post a Comment